The Return

Ang Pag-uli (Translated in Kiniray-a
By: Milivi Mae Candari
Instructor
ASU-SRRDM

Istorya kang darwa ka tinuga nga magkaiba sa duro nga bagay-bagay kag aspekto sa kabuhi.

Ang bayi, si Jocelyn, mga quarenta anyos, may asawa, manaba kag may may katambukon, mahambal naton nga kulang it tinun-an, pati sa ana pamiste makita nga tana inde disente mauli sa Samar para maghikut kang anang kaaraydan sa kabuhi - ang magbulag sa anang binayaan nga bana para mangasawa roman it seisenta anyos nga Australyano. Ang anang pag-uli, indi bangod sa kahidlaw sa anang pamilya, kundi para lagyuhan ang mapait kag pigado nga sitwasyon dara kang kaimulon.

Ang laki, ang nag-istorya, pamatan-on, soltero, may tinun-an bangod gani nakatapak sa UP, mauli sa Samar para magbakasyon kag sa anang pagsakay sa barko, rodto nana si Jocelyn nakilala kag naman-an ang anang istorya.

Si Jocelyn bata pa nag-asawa kag bangod gani wara pangabuhian, impyerno ang naaguman sa anang bana pati man sa anang ugangan nga bayi. Isa ka adlaw bangud indi makaagwanta, tana sa Manila naglarga.

Ano ang mahimo kang isa ka pamatan-on nga kulang it tinun-an? Ang anang naabutan indi disente rodto sa Makati. Ugaring si Jocelyn, bangud sa ana nga swerte, nakasampura it 60 anyos nga Australyano nga handa tana pakasalan kag haw-ason sa kapigaduhan.

Gani, tana nag-uli para komprontahon ang binayaan nga bana para makipagbulag. Determinasyon ang ana nga dara kaimaw ang .22 kalibre nga baril. Wara it makapugong sa ana nga desisyon, kung kinahanglan makapatay himuon, para sa anang katawhayan.

Ang pamatan-on, bisan sa anang kadamguhon, si Jocelyn ang napinsaran. Si Jocelyn nagbalik indi para magsugpon kang anang kalipay, kundi nagbalik para tana paraon pirmanente para mapadayon ang anang handum.